Nawala na aking direksyon
Lakad ko’y hindi na ayon
Ika’y nasa aking tabi pa rin
Pagmamahal ang ‘yong hangarin
Mga pangako ko’y natangay
Lakas ng hangin ang gumabay
Nananatili ka pa ring tapat
Di ko masuklian ng dapat
Kayrami na ng mga buwan at araw
Na di ka pansin kahit gumalaw
Kamay mo’y nakadantay
Lagi-lagi sa aking buhay
Pumarito at pumaroon
Bigkis natin ang baston
Buhay na di marangya
Langit sa ‘yong mukha
Lahat ng sa’kin ay sa iyo
Dasal ko’y pangako natin di maglaho
Asawa, maligayang anibersaryo
Sa ating taong ika-sampu
