Marka

Kapag ako’y wala na
Sana ay may malabing marka
Sa bawat hakbang sa lupa
Nawa’y langit ang tatak ng paa

Sa aking pag ka kristiano
Gawa ng Diyos at di tao
Makita ng lahat ng puso
Magsilbing sinag sa tungo

Sa aking mahal na bayan
Dasal ay biyayang walang hanggan
Sa pagbibigay ng sarili
Di malimot,mailibing ang pagsisilbi

Sa aking pamilya’t kaibigan
Mga oras ng tuwa at kabiguan
Sinilang sana ay buhay
Sa bawat bigkas at kampay

Walang lakas upang maiukit
Mahina at maliit aking tinig
O Diyos, basbasan mo ang nasa
Ngalan Mo sana, maiwang marka